Espiritu horrek gure pauso guztietan du eragina. Hori aintzat hartuta diseinatzen eta fabrikatzen ditugu gure jantzi eta osagarriak, planetarekiko eta pertsonekiko konpromisoa alde batera utzi gabe.
Babes-borondate argi batekin jaio ginen. Gure historiaren, gure DNAren eta ematen dugun pauso bakoitzaren barne dago babes hori… Eta pauso horiek, edonora eramaten gaituztela ere, prozesu iraunkor eta begirunetsuak betetzen dituzte lurrari eman diguna itzuli ahal izateko, horregatik hautatzen ditugu arreta handiz lantzen ditugun material eta produktuak.
Halabeharrez, izateko eta gauzak egiteko modu horren ondorioz, European Outdoor Conservation Association (EOCA) elkarteko bazkideak gara. Gainera, duela 20 urte baino gehiago, zetazeoen kontserbazioaren alde aktiboenak diren elkarteetako batekin elkarlanean hasi ginen: Whale and Dolphin Conservation (WDC) elkartearekin. Espezie horien babesa eta biziraupena sustatzen ditu elkarte horrek, baita haiekiko sentsibilizazioa ere. Adibidez, 1994an, lau bale hartu genituen babesean eta gaur egun markaren bereizgarri dira: Bat, Half Moon, Navaho eta Buckshot, azken urteetan begiztatuak izan direnak.
Haiek eta gure ikurra –bale baten isatsa– babes horren adierazgarri dira, baita planetaren eta pertsonen arteko harremanarena ere. Hain zuzen, harreman hori da gure zerizanaren funtsa, eta, azken batean, gure esentziarik garbiena.
Filosofia horrek bultzatuta, Commitment kontzeptuaren pean, garapenaren alde lan egiten dugu, natura ingurumenarekin eta pertsonekin era harmoniatsu eta etiko batean elkarreraginez, printzipio horiek ageriko eta benetako konpromiso bihurtzen dituzten proiektu iraunkorren bidez.
Ternua aitzindaria izan da munduan luma birziklatua erabiltzen; bizitza-zikloa bukatuta duten jantzi eta produktuetatik lortzen den material natural eta %100 biodegradagarriaren erabileran. Europan bildutako luma aukeratu, prozesatu eta garbitu egiten da, NVP trazabilitate estandarrak bere iturria kontrolatzen du eta EDFA trazabilitate estandarra erabiliz hirugarren alderdi batek kontrolatzen du ere.
Alberto Iñurrategik, markaren enbaxadoreak, WOPeak proiektuaren barnean Ternuak babestutako Chanlangarako espedizioan berrikuntza hau frogatu eta balioetsi zuen.
BIRZIKLATURIKO ETA BIRZIKLA DAITEZKEEN EHUNAK
Jada erabili diren baliabideak erabiltzen ditugu, bizitza zikloan berriro sartuz. Gure Dryshell guztiak gutxienez %50 birziklaturiko poliesterra dute. Birziklaturiko Pertex (microlight eta quantum) eta Primaloft erabiltzen ditugu.
Azken urtean gure filosofia hazi egin da kontzeptu berri bat hartuz: Craddle to craddle (sehaskatik sehaskara). Janzkiei beste aukera bat eman diegu, birziklaturiko materialekin sortu eta bere erabilera bukatutakoan berriro bizitzara itzuli daitekeen janzkiak diseinatuz. Sehaskatik sehaskara naturarekin bat berriro egitea ahalbidetzen duen filosofia bat lez proposatu da, ia produktu edota objektu guztiak berriro diseinatuz. Proposamen honen benetako aldaketa, janzkiaren sorkuntza prozesuan, ideagintzan, diseinuan eta garapenean hasieratik parte hartzean datza. Horrela, bere erauzketa, prozesamendua, erabilera, berrerabilera eta birziklapena bat egiten dute beti.
PFC
PFCak (perfluorokarbonoak) janzkien ura aldarazteko tratamenduetan erabiltzen diren konposatu kimikoak dira. Toxikoak dira behin ingurumenera heltzean askok oso astiro degradatu, globalki hedatu eta elikatze-katera heltzen baitira, kontaminazioa konponezin bilakatuz.
PFC gabeko janzkiek egiaztatze sinboloa izan behar dute.
PFC gabeko janzkiak sortzean osagai kimiko horiek ura aldarazte funtzio berbera duten eta ingurumenarekiko begirunetsu diren beste batzuekin ordezkatu behar dira. Ternuaren ardura ez baita bakarrik zer egiten dugun, baita nola egiten dugun ere. PFCak kentzen 2007an hasi eta hamarkada baten buruan geldiezin jarraitzen duen iraunkortasunerako bidean jarraitzen dugu.
URA ALDARAZTEKO GAITASUNA: PFOA/PFOS
Ura aldarazteko ohiko agenteek (C8) PFOA (azido perfluorooktanoikoa) edo PFOS (perfluorooktano sulfatoa) daramate. Bi sustantzia horiek ez dira erraz desegiten ingurune naturalean, izan ere, batez besteko biziraupen luzea dute. Organismoan erraz meta daitezke eta bere funtzionamenduan eragin dezakete edo aldaketa patologikoak sorraraz ditzakete.
Ternua, 2009an, akabera agente berri batzuk erabiltzen hasi zen (C9), PFOA/PFOS gabeak, ura eta koipea aldarazteko funtzio bikaina mantentzen dutenak eta ukimenera leunak direnak. Horrenbestez, ingurumenean sorrarazten den inpaktua txikiagoa da.
Gaur egun, aurreko bildumetan erabili izan dugun Neokdun birziklaturiko lumatxa eta Nikwaxekin (tratamendu hidrofugoak egiteko teknologian hainbat hamarkadetako eskarmentua duen enpresa) batera egindako lana dela eta, lumari ura aldaratzeko gaitasun handia ematen dion tratamendua garatu dugu, ura gutxiago xurgatuz eta loft eta gaitasun termiko handiagoa bereganatuz. Horrela, birziklaturiko kontzeptuaren bertsio hobea eskaintzen dugu, lumaren eraginkortasuna handituz.
Hain zuzen ere, test industry IDFB 18A shake test frogan 1000 minutu baino gehiago igaro ondoren, birziklaturiko lumaren gaitasun termikoa osorik (800 Fill Power) eta transpiragarritasun gaitasun eta pisu berbera mantentzen ditu.
BLUESIGN APPROVED FABRIC
Mundu mailako homologazio sistema independente honek - borondatezko ekimena- ahal diren ingurumen estandarrik altuenak ardatz hartuta ehungintzak bere produkzioa hobetzea du helburu.
Bluesign Approved Fabric zigiluak, gure jantziek kalitate- eta funtzionaltasun- estandarrik zorrotzenak betetzen dituztela ziurtatzen du, ingurumena errespetatzen dutela eta etorkizuneko belaunaldiak, segurtasuna eta osasuna aintzat hartzen dituztela alegia.
Gure bildumetan urtero Bluesign ziurtagiria duten ehun eta fabrikatzaile gehiago sartzea da gure asmoa.
Bluesign zigiluak bost printzipio ditu ardatz:
Baliabideen produktibitatea
Kontsumitzailearen segurtasuna
Atmosferarako isuriak
Uretarako isuriak
Lan-osasuna eta segurtasuna
KOTOI ORGANIKOA
Kotoiaren kasuan, kotoi organikoa baino ez dugu erabiltzen, gehienetan GOTS ziurtagaria dutena. Hau lurraren zikloak errespetatzen dituzten sail emankorretan landatzen da, pestizidarik, herbizidarik edo ongarri kimiko sintetikorik gabe, eta produktu kimiko toxikorik erabili gabe iruten eta ekoizten da.
Ehun-produktu organikoen estandar globala (Global Organic Textile Standard, GOTS) lanabes berria da, nazioartean ehun-produktu organikoen sektorean ekoizpen iraunkorrerako sistemei eta erantzukizun sozialari buruzko akordioa erdiestekoa.
ERABILERA ANITZEKO POLTSAK ETA BIRZIKLATURIKO PAPERA
Plastikoa da, ingurumen arloan, arazo eta kezka nagusietako bat. Enbalatze alternatibo bat bilatzeko ahalegina egiten dugu, hornidura-kateko beharrizan guztiak beteko dituena.
Egun, hainbat aukera aztertzen ari gara baina, bitartean, 2012ren hasieran, poltsa oxo-biodegradagarriak banatzea erabaki genuen.
Plastikozko poltsekin energia eta petrolio asko kontsumitzen da. Horregatik, halako poltsak ekoiztea burugabekeri suntsitzailea da ingurumenerako. Dena den, beste alternatiba bat topatu artean, poltsa oxo-biodegradagarriak birziklatzearen alde egin dugu. Horiek, osotasunean birziklatzen ez badira ere, behintzat ez dute plastiko ez biodegradagarriek landa eta ozeanoaren kutsaduran eragiten duten kaltea egiten.
Bestalde, gure paperezko poltsak, koadernoak eta komunikaziorako beste ohiko euskarriak %100ean birziklatutako paperez baliatuz eginak dira, edo FSC ziurtagiria duen paperez baliatuz.
FSC ziurtagiria duen papera erabiltzean munduari adierazten diogu paperaren erabilerari dagokionez merkatuan diren estandar sozial eta ingurumenezko handienei babesa ematen diegula. FSC ziurtagiria duten papera eta inprimatze-produktuak erabiliz, basoetatik hurbil bizi diren eta papera ekoizteko jardunean aritzen diren pertsona-komunitateen alde egiten dugu, haiek iraun ahal izan daitezen eta haien kudeaketa arduratsua izan dadin.
